16 d’oct. 2012

Eth Balh Plan de Canejan

Eth Balh Plan ei ua dança coneishuda per tota Catalonha aumens des dera fin deth sègle XVIII. Ena Val d'Aran ère barada d'ua manèra ben pariona ara pròpria des parçans catalans vesins de Pallars e Ribagorça: es parelhes, garrades dera man, hègen un cercle, es òmes laguens e es hemnes dehòra. 
Ara fin de cada tirada, es dançaires cambiauen de parelha e era dança non acabaue enquia qu'es parelhes tornauen a trapar-se. Alavetz es musics acostumauen a tocar eth Son, qu'en quauqui pòbles, non ère ua auta causa qu'era madeisha melodia deth Balh Plan tocada a un ritme mès rapid, o ua jòta.
Es dues prumères melodies reprodusides sigueren recuelhudes en pòble de Canejan e era tresau en Vielha. Soent, eth balh se hège tanben ath son des cançons, cantades en catalan o occitan.



Aciu auetz eth vidèo damb era musica deth Balh Plan, arremassada laguens deth CD "Anem lèu dançar":



Era letra deth Balh Plan


Version de Canejan:

En Canejan es gojates son guapes
en Bausen en son autant
Es de Pontaut es dera clavelhina
e es de Les era flor der arram

Version des Corbilhuèrs de Les (moderna):

En Canejan es gojates son guapes
e en Bausen en son autant
Es de Pontaut es dera clavelhina
e es de Les era flor der arram

Òc qu'ei polit de baishar pera còsta
Òc qu'ei polit de poder-se estimar

En Canejan es gojats que son guapos
Bona preséncia e beròi guardar
Aimants deth vin e des gojatòtes
De hèsta en hèsta prèsti tà dançar

Òc qu'ei polit....

En Canejan cercarè gojateta
E en Bausen dues ò tres mès
En Pontaut dançarè tara hèsta
e en Les marida'm qu'em cau hèr

Òc qu....

Era primaura a vengut de Canejan a arribat,
floríssen es mèns amors tot plen de flors.

Eth Balh Plan dansat


Ath delà, per internet corren vidèos deth Balh Plan dansat:


E aciu auetz ua interpretacion un shinhau mès modèrna, hèta per Santi Arisa:


Demoram es vòstes aportacions e comentaris. A totara!

Informacion arremassada de "Anèm Lèu Dançar" (1994, Generalitat de Catalonha). Arregraïm tanben era  letra deth Balh Plan des Corbilhuèrs, balhada per Maria Vergés.

Cap comentari:

Publica un comentari a l'entrada

Arrebremba-te de méter eth tòn mail se vòs ua responsa.